Heiðastör (Carex heleonastes)

Distribution

Habitat

Description

Meðalhá stör (15–40 sm) með löngum blágrænum blöðum og nær hnöttóttum öxum.

Myndar gisnar þúfur. Blöð löng og blágræn, 1–2 mm á breidd. Strá bein og upprétt, hvassstrend og ójöfn efst (Lid og Lid 2005).

Axskipan þétt, með þrjú til fimm grábrún, egglaga eða nær hnöttótt öx. Karlblóm neðst í öxunum. Axhlífar brúnar og yddar með breiðum himnufaldi og ljósri taug, örlítið styttri en hulstrin. Hulstur 2,5–3,5 mm löng, grágræn með lítt áberandi taugum og stuttri trjónu (Lid og Lid 2005).

Öxin á heiðastörinni líkjast í fljótu bragði öxum rjúpustararinnar en eru þó heldur bústnari og dekkri. Þrístrent stráið er einnig mjög snarpt af niðurvísandi broddum á köntum þess. Heiðastörin er einnig hávaxnari og uppréttari en rjúpustörin sem aldrei vex í flóum. Heiðastör vex heldur ekki í toppum heldur á strjáli.

Shortlist

VU (tegund í nokkurri hættu)

Forsendur flokkunar

Heiðastör flokkast sem tegund í nokkurri hættu þar sem stofninn er talinn lítill og telji færri en 1000 fullþroska einstaklinga auk þess sem vaxtarsvæði tegundarinnar er takmarkað, u.þ.b. 9 km2.

Hættuflokkar Alþjóðanáttúruverndarsamtakanna (IUCN)

Viðmið IUCN um mat á válista (pdf)

Eldri válistar

Válisti 2008: Heiðastör er á válista í hættuflokki VU (í yfirvofandi hættu).

Válisti 1996: Heiðastör er á válista í hættuflokki VU (í yfirvofandi hættu).

Protection

Heiðastör er friðuð samkvæmt auglýsingu nr. 184/1978 um friðlýsingu nokkurra plöntutegunda.

Distribution map

Author

Hörður Kristinsson 2007, Starri Heiðmarsson, Pawel Wasowicz 2018