Melgresi (Leymus arenarius)

Distribution

Það er algengt í kring um landið og er einnig víða á móbergssvæði hálendisins (Hörður Kristinsson - floraislands.is).

Habitat

Sandar, einkum foksandar, sandorpin hraun, vikrar og fjörur (Hörður Kristinsson 1998 og floraislands.is).

Description

Stórvaxið gras (50–90 sm) með löngu, grófu axi. Blómgast í júní.

Blað

Stórvaxið og afar grófgert gras. Stráin afar sterkleg, hárlaus. Blöðin breið, 5–10 mm en verpast upp frá hliðunum í þurrki, blöð blaðsprota oft mjórri (Hörður Kristinsson 1998). Á foksandsvæðum myndar melgresið utan um sig sandhóla (Hörður Kristinsson - floraislands.is).

Blóm

Axið endastætt, 12–20 sm langt og 10–18 mm breitt. Smáöxin oftast þríblóma en stundum með fjórða blómið sem þá er gelt. Axagnir lensulaga, oddmjóar, 15–20 mm langar, oft lítið eitt hærðar. Blómagnir kafloðnar, þær neðstu álíka langar og axagnirnar, þær efri styttri, oddhvassar en týtulausar. Frjóhnappar fjólubláir, um 5 mm langir (Hörður Kristinsson 1998).

Aldin

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Greining

Líkist helst dúnmel en efri hluti stönguls dúnmels er loðinn.

Distribution map

Images

Author

Hörður Kristinsson 2007

Sandar, einkum foksandar, sandorpin hraun, vikrar og fjörur (Hörður Kristinsson 1998 og floraislands.is).

Biota

Tegund (Species)
Melgresi (Leymus arenarius)