Botnlægir hryggleysingjar í Norður-Íshafi á Hrafnaþingi

Guðmundur Guðmundsson, flokkunarfræðingar hjá Náttúrufræðistofnun Íslands, mun á næsta Hrafnaþingi, miðvikudaginn 20. febrúar, flytja erindið Tegundafjölbreytni botnlægra hryggleysingja í Norður-Íshafi.

Í erindinu verður greint frá aðkomu Íslands að vöktun á lífríki í Norður-Íshafinu og fjallað um tegundafjölbreytni botnlægra hryggleysingjategunda. Nánari upplýsingar um erindið er að finna á vef stofnunarinnar.

Erindið verður flutt í húsakynnum Náttúrufræðistofnunar að Urriðaholtsstræti 6-8 í Garðabæ, í Krummasölum á 3. hæð kl. 15:15-16:00. Sjá kort.

Hrafnaþing er opið öllum. Verið velkomin!