Distribution
Eyrugla er mjög útbreiddur varpfugl í Evrópu, Asíu og N-Ameríku og velur sér margvíslegt skóglendi til varps en líka opnara land til veiða. Hún er farfugl í nyrsta hluta heimkynna og hefur verið þekkt sem flækingsfugl hér á landi um langt skeið. Er algengust á haustin og virðist tíðum hafa haft hér vetursetu og raun sést fram á sumar (Birding Iceland 2006, Bliki 1981–, Gunnlaugur Pétursson og Gunnlaugur Þráinsson 1999). Eyruglur hafa orpið hér a.m.k. frá 2003 (Daníel Bergmann 2005) og þá aðallega í trjáræktarreitum á Suðvesturlandi en einnig er grunur um varp á Norðurlandi (Bliki 1981–, Jóhann Óli Hilmarsson 2011–).
Population
Eyruglur láta ekki mikið á sér bera á varpslóðum og því er mat á stofninum erfiðleikum bundið en væntanlega verpa hér fáeinir tugir para.
Shortlist
VU** (í nokkurri hættu)
Ísland | Evrópuválisti | Heimsválisti |
---|---|---|
VU** | LC | LC |
Forsendur flokkunar
Kynslóðalengd (IUCN): 7,2 ár Tímabil sem mat miðast við (3 kynslóðir):
Íslenski eyruglustofninn er enn mjög lítill (líklega <50 kynþroska einstaklingar) og ætti því að teljast í bráðri hættu (CR). Hér er hún færð niður um tvo flokka samkvæmt leiðbeiningum IUCN vegna þess að ekki er hægt að tala um einangraðan stofn sem er að auki <1% Evrópustofns og eins eru miklar líkur á að hún gæti numið land hér að nýju. Hún er því flokkuð sem tegund í nokkurri hættu (VU).
Viðmið IUCN: (D)
D. Stofn mjög lítill eða takmarkaður.
Hættuflokkar Alþjóðanáttúruverndarsamtakanna (IUCN)
Viðmið IUCN um mat á válista (pdf)
Eldri válistar
Válisti 2000: Eyrugla var ekki á válista.
Protection
Eyrugla er friðuð samkvæmt lögum nr. 64/1994 um vernd, friðun og veiðar á villtum fuglum og villtum spendýrum.
Priority Site
Engin/none
References
Daníel Bergmann 2005. Eyrugla verpur á Íslandi. Bliki 26: 47–50.
Birding Iceland. Little Gulls in Iceland up to and including 2006, https://notendur.hi.is/yannk/status_asiotu.html
Bliki: Tímarit um fugla 1981- . Sjaldgæfir fuglar á Íslandi. Reykjavík: Náttúrufræðistofnun Íslands.
Gunnlaugur Pétursson og Gunnlaugur Þráinsson 1999. Sjaldgæfir fuglar á Íslandi fyrir 1981. – Fjölrit Náttúrufræðistofnunar 37. 246 bls.
Jóhann Óli Hilmarsson 2011- . Sjaldgæfir varpfuglar. Fuglar, nr 8 og áfram.
Author
Kristinn Haukur Skarphéðinsson maí 2017, júní 2018, október 2018
Biota
- Tegund (Species)
- Eyrugla (Asio otus)
English Summary
Asio otus is a recent and rare breeding bird in Iceland with probably a few dozen pairs breeding annually. No IBAs are designated for this species.
Icelandic Red list 2018: Vulnerable (VU). Not applicable (NA) in 2000.