Brekkubobbi (Cepaea hortensis)

Distribution

Vestur- og Mið-Evrópa, Alpafjöll, Bretland, sunnanverð Skandinavía, Eystrasaltslönd.

Ísland: Finnst á fáeinum stöðum syðst á landinu, frá Drangshlíð undir Eyjafjöllum og austur að Höfðabrekku í Mýrdal. Hefur einnig fundist á Heimaey. Einnig hefur brekkubobba verið getið frá Norðfirði, Hornafirði og Núpshlíð á SV-landi, en ólíklegt er að hann finnist þar lengur ef hann hefur þá nokkurn tímann átt þar fastan samastað.

Life styles

Brekkubobbi heldur til í gróðurþykkni og á aðliggjandi blautum klettum. Hvannstóð austur undir Reynisfjalli eru dæmigert kjörlendi tegundarinnar. Brekkubobbi nærist á plöntum.

In General

Brekkubobbi hefur sennilega verið í landinu frá fornu fari því Eggert Ólafsson og Bjarni Pálsson urðu hans varir á ferðum sínum um landið á 18. öldinni. E.t.v. hefur hann borist til landsins með landnámsmönnum. Þó tegundin sé fágæt finnst töluvert af brekkubobbum þar sem hann lifir í ríkulegum gróðri uppi undir klettum t.d. við bæinn Drangshlíð undir Eyjafjöllum og í hvannstóðum við rætur Reynisfjalls í Vík í Mýrdal. Lagt hefur verið til að búsvæði hans þar verði verndað. Kuðungur brekkubobbans er breytilegur, stundum einlitur gulur en oftast með misbreiðum rauðbrúnum spíralbeltum á gulum vindingunum.

Distribution map

Images

Author

Erling Ólafsson 14. ágúst 2009.