Gljúfrahnubbi (Didymodon insulanus)

Distribution

Habitat

Description

Plöntur 1-4 sm, grænar, gulbrúnar eða brúnar. Efst á stöngli eru blöð þéttstæðari og mun lengri en neðar á stönglinum (Bergþór Jóhannsson 1992b).

Plöntur 1-4 sm, grænar, gulbrúnar eða brúnar ofan til en brúnar eða rauðbrúnar neðan til, oft greinóttar. Rætlingar gulbrúnir eða brúnir, sléttir. Auk þess að koma frá stöngli koma rætlingar oft frá rifi, einkum nálægt blaðenda á efra borði blaða. Rök blöð útstæð, bugðótt og framhluti oft baksveigður. Efstu blöð eru oft bogin þannig að neðri hluti blaða stendur beint út frá stöngli þegar horft er ofan á plöntuna en framhlutinn er sveigður til hliðar. Blöð mjókka smám saman frá egglaga grunni fram í langyddan, lensulaga framhluta. Efst á stöngli eru blöð þéttstæðari og mun lengri en neðar á stönglinum. Efstu blöð oftast 2,5-4,5 mm, stundum þó aðeins um 2 mm. Neðri blöðin oftast 1-1,5 mm. Blöð heilrend en blaðrönd vörtótt. Rifið nær fram undir eða fram í blaðenda, stundum örlítið fram úr blöðku (Bergþór Jóhannsson 1992b).

Plöntur einkynja, sjaldan með gróhirslum. Gróhirslustilkur rauður neðan til en rauðgulur ofan til, 1,3-2 mm. Gróhirsla brún, upprétt, löng, sívöl. Gróhirsluop rauðbrúnt. Lok með langri, beinni eða boginni trjónu. Opkrans gulbrúnn eða dálítið rauðgulur, verður fljótlega ljós og gráleitur. Opkrans um 1 mm á lengd. Tennur klofnar niður að lágri grunnhimnu, þurrar tennur hringaðar (Bergþór Jóhannsson 1992b).

Frumur með frekar þunnum veggjum í ungum blöðum en veggir geta verið nokkuð þykkir í eldri blöðunum. Frumugerð nokkuð regluleg (Bergþór Jóhannsson 1992b).

Distribution map

Author

Bergþór Jóhannsson 2007