Bláhveiti (Elymus macrourus)

Mynd af Bláhveiti (Elymus kronokensis)
Picture: Hörður Kristinsson
Bláhveiti (Elymus kronokensis)

Útbreiðsla

Sjaldgæft yfir landið en nokkuð útbreitt á Norðurlandi, frá Austur-Húnavatnssýslu til Eyjafjarðar, og er þar aðeins í innsveitum (Hörður Kristinsson - floraislands.is).

Búsvæði

Þurrar melbrekkur, gilbarmar og mólendi.

Lýsing

Meðalstórt gras (25–40 sm) með rauðfjólubláu axi. Blómgast í júlí.

Blað

Blöðin 3–5 mm á breidd, slíðurhimnu vantar (Hörður Kristinsson 1998).

Blóm

Axið 4–8 sm langt, oftast rauðfjólublátt. Smáöxin með þrem til fjórum blómum. Axagnir grænar eða fjólubláleitar í miðju, með breiðum himnufaldi, skarpyddar, oft skakkar: Fjórar taugar öðrum megin en tvær til þrjár hinum megin við miðtaugina. Blómagnir hærðar, sú neðri með stuttri týtu (Hörður Kristinsson 1998).

Aldin

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Greining

Líkist helst kjarrhveiti en það er með öðruvísi axagnir og lengri týtur. Getur einnig minnt á húsapunt en hann þekkist best á hinum löngu, greindu jarðrenglum og styttri týtu.

Útbreiðsla - Bláhveiti (Elymus kronokensis)
Útbreiðsla: Bláhveiti (Elymus kronokensis)

Höfundur

Was the content helpful Back to top

Back to top

Thank you!

Please tell us why:

  • Hide
  • |