Útbreiðsla

Nokkuð útbreitt á Vestfjörðum og Austfjörðum en mjög sjaldgæft annars staðar (Hörður Kristinsson - floraislands.is).

Búsvæði

Það vex einkum í blautum eða rökum flögum, við læki eða vatnslitlar uppsprettur eða á votlendum klettasyllum (Hörður Kristinsson 1998 og floraislands.is).

Lýsing

Meðalhátt sef (10–30 sm), nokkuð gróft, með blómhnoðu efst á strái en stoðblað sem nær nokkuð upp fyrir. Blómgast í júní–júlí.

Blað

Blöðin sterkleg, rennulaga, 1–2,5 mm breið (Hörður Kristinsson 1998).

Blóm

Eitt til tvö stór, fimm- til tíublóma blómhnoðu, það efra minna en hið neðra. Blómhlífin sexblaða. Blómhlífarblöðin oddmjó, dökkbrún. Fræflar sex með gulgræna frjóhnappa. Stuttur stíll með þrískiptu fræni (Hörður Kristinsson 1998).

Aldin

Aldinið stórt, 5–8 mm langt, gljáandi, dökkbrúnt í toppinn með greinilegri trjónu (Hörður Kristinsson 1998).

Greining

Líkist engri annarri íslenskri tegund.

Höfundur