Útbreiðsla

Það er mjög algengt um allt land frá láglendi upp í 900 m hæð (Hörður Kristinsson - floraislands.is).

Búsvæði

Þúfnakollar í þurrum móum.

Lýsing

Meðalhátt (8–25 sm), fíngert sef með nokkuð löngu stoðblaði og blómin saman í hnoðum. Blómgast í júní–júlí.

Blað

Grönn strá standa í þéttum toppum, með fjölda blaðslíðra við stofninn sem verða eftir á fyrri árs sprotum. Blöðin örmjó (0,2–0,5 mm), rennulaga. Stoðblöðin löng, ná langt upp fyrir blómskipunina (Hörður Kristinsson 1998).

Blóm

Blómin fá saman (eitt til fjögur) í litlum blómhnoðum. Blómhlífarblöðin sex, dökkbrún, gljáandi, hvassydd, himnurend ofan til. Fræflar sex með ljósgulum frjóhnöppum. Frævan ljósgræn, langur stíll með þrískipt fræni (Hörður Kristinsson 1998).

Greining

Líkist engri annarri íslenskri tegund en myndar þó þétta toppa líkt og þursaskegg sem einnig vex við svipaðar aðstæður, líkist því þó ekki að öðru leiti.

Höfundur