Útbreiðsla

Algengt um allt land frá láglendi upp í um 600 m hæð (Hörður Kristinsson - floraislands.is).

Búsvæði

Það vex oftast í rökum flögum eða hálfgrónum áreyrum, deiglendi.

Lýsing

Lágvaxið sef (5–18 sm) með eitt lítið endastætt blómhnoð. Blómgast í júní.

Blað

Blöðin neðst á stönglinum eða stofnstæð, sívöl (Hörður Kristinsson 1998).

Blóm

Eitt lítið, endastætt blómhnoð með þrem til fjórum blómum, umlukið brúnleitum blöðum. Blómhlífarblöðin sex í hverju blómi, gulhvít eða bleikleit, dekkri í endann. Fræflar sex, ein fræva með þrískiptu fræni (Hörður Kristinsson 1998).

Aldin

Aldinið dökkrauðbrúnt (Hörður Kristinsson 1998).

Greining

Blómhlífin er ljósari á lit en á öðrum sefum en líkist annars einna helst flagasefi eða fitjaskúfi. Fitjaskúfur þekkist á blöðkulausum blaðslíðrum og sex burstum umhverfis aldinið. Flagasef er auðþekkt á stoðblaðinu sem nær upp fyrir blómhnoðið, færri blómum, dökkbrúnum lit blómhlífar og aldinlögun.

Höfundur