Kollhæra (Luzula multiflora)

Distribution

Habitat

Description

Meðalhá til hávaxin hæra (15–50 sm) með nokkur blómhnoðu í hnapp. Blómgast í júní.

Stráið sívalt. Stoðblaðið nær venjulega upp fyrir legglengstu blómhnoðun. Stofnblöðin 3–6 mm breið, flöt eða ofurlítið uppsveigð á jöðrum, oft meir eða minna rauðleit með löngum, hvítum hárum á röndunum, einkum neðst við blaðfótinn.

Blómin eru mörg saman í 4–8 blómhnoðum á mislöngum leggjum. Blómhlífarblöðin sex, oddmjó, dökkbrún. Fræflar sex. Ein þrístrend fræva með einum stíl og þrískiptu fræni.

Líkist helst dökkhæru sem er með dekkri blómhnoðu sem eru oftast í þéttum hnapp, efsti hluti plöntunnar oft rauðari, stráið uppsveigt neðst.

Distribution map

Author

Hörður Kristinsson 2007