Kjarrsveifgras (Poa nemoralis)

Habitat

Description

Meðalhá grastegund (30–70 sm) með grönn, fremur lin strá og mjóan, grænan punt.

Myndar gisnar þúfur. Strá bein og grönn, lin, blöðótt og með fjögur til fimm liðamót. Blöð löng og mjó, 1,5–2 mm breið. Efsta blaðið á stráinu oftast vel ofan við miðju og stendur oftast um 45° út frá stráinu. Slíðurhimnan þver og stutt, 0,3–0,5 (–1) mm (Lid og Lid 2005).

Punturinn mjór með ósléttar greinar, grænn eða lítið eitt brúnleitur. Smáöx mjó og fáblóma, oft aðeins tvíblóma. Ytri blómagnir mjóar og oddregnar, mislangar, þær lengstu oft nær jafnlangar og smáaxið. Innri blómagnir aðeins hærðar á kilinum og neðst á taugunum (Lid og Lid 2005).

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Líkist helst blásveifgrasi en kjarrsveifgras er grænna og hefur lengri, blaðfleiri og grennri strá en blásveifgras, punturinn minna greindur með færri smáöxum.

Distribution map

Author

Hörður Kristinsson 2007