Picture: Hörður Kristinsson
Skrautpuntur (Milium effusum)
Útbreiðsla
Fremur sjaldgæfur en þó algengari norðanlands en sunnan (Hörður Kristinsson - floraislands.is).
Búsvæði
Vex einkum í blómlendisbrekkum, gróðursælum hvömmum, kjarri, stórgrýttum urðum, hraunsprungum og -bollum, gróskulegum hólmum, skóglendi og víðikjarri (Hörður Kristinsson 1998 og floraislands.is).
Lýsing
Hávaxin grastegund (1–1,8 m) með breiðum blöðum og löngum, gisnum punti. Blómgast júlí.
Blað
Blöðin 8–16 mm breið (Hörður Kristinsson 1998).
Blóm
Punturinn 25–35 sm langur, gisinn, keilulaga. Smáöxin sívöl, týtulaus, einblóma, græn eða gulgræn. Axagnirnar hvelfdar, grænar, 2,5–3,5 mm á lengd, þrítauga. Blómagnirnar styttri, gljáandi. Slíðurhimnan 3–5 mm á lengd, slitrótt eða odddregin (Hörður Kristinsson 1998).
Aldin
Aldinið er hneta þar sem fræskurn og aldinhýði er runnið saman í eitt (Lid og Lid 2005).
Greining
Líkist engri annarri íslenskri tegund, auðþekktur á puntinum og breiðum blöðunum.
Útbreiðsla: Skrautpuntur (Milium effusum)
Höfundur
Was the content helpful
Back to top