Lýsing

Fremur lágvaxin grastegund (10–30 sm) með hærð blöð og stöngla, puntur fremur stuttur og grannur.

Blað

Myndar þéttar þúfur. Strá og blöð gráloðin. Efsti stöngulliðurinn er oftast fyrir innan efsta blaðslíðrið. Blöð 2–3 mm breið (Lid og Lid 2005).

Blóm

Punturinn stuttur, mjór og þéttur, brúnsvartur á lit. Smáöx þríblóma, sjaldan tvíblóma. Týtan 2,5–4 mm löng. Frjóhnappur 0,6–1 mm langur (Lid og Lid 2005).

Aldin

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Höfundur