Útbreiðsla

Fremur sjaldgæf (Hörður Kristinsson 1998).

Búsvæði

Grájurtin vex einkum í bröttum, þurrum og háum, sólríkum brekkum á móti suðri (Hörður Kristinsson - floraislands.is).

Lýsing

Meðalhá planta (10–25 sm) með blöðóttan stöngul, lensulaga blöð og dökkar blómkörfur. Blómgast í júlí.

Blað

Stöngullinn blöðóttur. Blöðin 3–8 sm löng og 0,2–0,5 sm breið, þétthvítlóhærð, einkum á neðra borði, heilrend eða mjög gistennt (Hörður Kristinsson 1998).

Blóm

Blómin mörg saman í litlum (5 mm), svörtum körfum sem skipa sér saman í langan klasa á stöngulendanum. Reifablöðin græn í miðju, með breiðum himnufaldi, 3–4 mm löng, 1–2 mm breið, egglaga til langsporbaugótt, heilrend, gljáandi. Krónupípan hárfín, 0,1–0,2 mm, ljósgræn neðan til, brúnleit í endann, breikkar stundum við opið upp í 0,5 mm, fimm krónuflipar (Hörður Kristinsson 1998).

Greining

Líkist helst fjandafælu. Fjandafæla hefur löng, frambreið blöð ofan til á stönglinum sem oft eru hærri eða jafnhá blómskipuninni en hún er styttri en á grájurtinni. Hún minnir einnig á hina smágerðu grámullu en er miklu hávaxnari.

Höfundur