Engjamunablóm (Myosotis scorpioides)

Distribution

Þetta er innflutt jurt sem hefur slæðst frá ræktun og er víða orðin alveg ílend. Hún breiðist gjarnan út meðfram lækjum (Hörður Kristinsson - floraislands.is).Hefur ekki fundist sunnanlands (Hörður Kristinsson 1998).

Habitat

Dreifist aðallega meðfram lækjum og með vatni um mýrlendi og bakka (Hörður Kristinsson 1998).

Description

Fremur hávaxin jurt (20–40 sm) með áberandi, fagurbláum blómum með gulum hring við blómginið. Blómgast í júlí.

Blað

Stöngull og blöð gishærð með stuttum og aðlægum hárum. Blöðin lensulaga en frambreið (5–15 mm) (Hörður Kristinsson 1998).

Blóm

Blómin eru 7–8 mm í þvermál. Krónufliparnir snubbóttir, heiðbláir, hvítir eða gulleitir við blómginið. Fimm fræflar og eitt fræni. Aldinleggirnir lítið eitt lengri en bikarinn sem er lítill, gishærður, fimmtenntur og grunnt klofinn (Hörður Kristinsson 1998).

Aldin

Aldinin ferkleyf, með dökk, gljáandi deilialdin (Hörður Kristinsson 1998).

Greining

Líkist helst gleym-mér-ei en er bæði hávaxnari og blómstærri, með styttri aldinleggi og minni hæringu.

Distribution map

Images

Author

Hörður Kristinsson 2007

Dreifist aðallega meðfram lækjum og með vatni um mýrlendi og bakka (Hörður Kristinsson 1998).

Biota

Tegund (Species)
Engjamunablóm (Myosotis scorpioides)