Holurt (Silene uniflora)

Distribution

In General

Holurtin er þekkt undir mörgum nöfnum, svo sem fálkapungur og geldingagras. Börn kalla hana oft flugnabú eða flugublóm af því að flugur álpast niður í belgvíðan bikarinn. Útbreiddur misskilningur er að plantan sé flugnaæta (Hörður Kristinsson 1998). Holurt hefur einnig verið kölluð blöðrujurt, flugnapungur, galtarpungur, melapungur, prestapungur, pungagras og hjartagras vegna aldinlögunarinnar. Þar sem holurt hefur örvandi verkun á meltingu hefur hún einnig gengið undir nafninu laxerarfi (Ágúst H. Bjarnason 1994).

Rótina má mala og nýta í mjöl (Ágúst H. Bjarnason 1994).

Habitat

Description

Lágvaxin jurt (10–25 sm) með belgmiklum bikar og hvítum yfirsætnum blómum. Blómgast í júní.

Margir stönglar vaxa upp af sömu rót, oft nokkuð jarðlægir. Laufblöðin gagnstæð, heilrend, hárlaus, lensulaga eða mjóoddbaugótt, 1–2 sm á lengd (Hörður Kristinsson 1998).

Blómin fá saman eða einstök á stöngulendunum, fimmdeild. Krónan hvít, um 2 sm í þvermál. Krónublöðin 1,5–2,5 sm á lengd, með skerðingu í oddinn. Bikarinn samblaða, klukkulaga og útbelgdur, oftast fimmtenntur, bleikfjólublár með dekkra æðaneti, um 1,5 sm á lengd. Fræflar tíu með aflöngum, dökkum frjóhirslum. Ein fræva með fjórum til sex stílum (Hörður Kristinsson 1998).

Auðþekkt á útblásnum bikar.

Distribution map

Images

Author

Hörður Kristinsson 2007