Grænlilja (Orthilia secunda)

Distribution

Habitat

Description

Fremur lágvaxin jurt (8–15 sm) með grænhvít, bjöllulaga blóm í einhliða klasa. Blómgast í júlí–ágúst.

Laufblöðin egglaga eða oddbaugótt, reglulega smátennt, 1,2–3 sm á lengd og 1–2 á breidd. Lítil (3–5 mm), oddmjó, græn blöð inni á milli laufblaðanna og ofan við þau á stönglinum (Hörður Kristinsson 1998).

Blómin eru í einhliða, 2–3 sm löngum klasa á stöngulendanum, stilkstutt. Krónan bjöllulaga en klofin nær niður í gegn. Krónublöðin gulgræn eða grænhvít, himnukennd, um 5 mm á lengd. Bikarblöðin örstutt (1–1,5 mm), snubbótt, tennt. Fræflar tíu. Ein fræva með gildvöxnum, dökkum stíl sem stendur út úr blóminu og er lengri en frævan (Hörður Kristinsson 1998).

Líkist helst klukkublómi. Grænliljan þekkist á einhliða blómskipan, grænleitri krónu, lengri stíl á aldini og odddregnari og greinilegar tenntum blöðum.

Distribution map

Author

Hörður Kristinsson 2007