Heiðadúnurt (Epilobium hornemannii)

Distribution

Habitat

Description

Fremur lágvaxin planta (8–15 sm) með fjórdeildum, bleikum blómum. Blómgast í júní–júlí.

Stöngullinn strendur, tvíhliðhærður. Blöðin gagnstæð, egglaga eða sporbaugótt, oftast ávöl fyrir endann, smátennt eða nær heilrend, hárlaus, 1–2,5 sm á lengd og 0,5–1,2 sm á breidd (Hörður Kristinsson 1998).

Blómin eru rauð, fjórdeild, 5–7 mm á lengd. Bikarinn um helmingi styttri en krónan, rauður eða grænleitur. Fræflar átta. Ein fjórblaða, hárlaus, rauð fræva (Hörður Kristinsson 1998).

Aldinið 2,5–4 sm langt og klofnar í fjórar ræmur við þroskun. Fræin með löngum, hvítum svifhárum (Hörður Kristinsson 1998).

Líkist lindadúnurt en heiðadúnurt þekkist á því að jarðrenglur eru styttri og fíngerðari, blómin heldur minni, blöðin minna tennt og ávalari fyrir endann. Ljósadúnurt líkist henni mjög en er ljósgrænni og hefur nær hvít blóm.

Distribution map

Author

Hörður Kristinsson 2007