Distribution
Algeng jurt um allt land frá láglendi upp í um 700–800 m hæð. Hæstu fundarstaðir ljónslappa eru 930 m í Reykárbotnum við Bónda í Eyjafirði, og í 900 m í fjallshlíðinni ofan Tjarnar í Svarfaðardal (Hörður Kristinsson - floraislands.is).Habitat
Kjörsvæði ljónslappa er í bollum, skriðum, hlíðaskorningum og undir rofabörðum (Hörður Kristinsson 1998). Hann vex oft í þurru mólendi en myndar líka stundum þéttar, ávalar þúfur í fokjarðvegi (Hörður Kristinsson - floraislands.is).Description
Lágvaxin jurt (5–15 sm) með gulgrænum blómum. Blöð handskipt með tenntum endum og þéttri silfurhæringu á neðra borði. Blómgast í júní.
BlaðBlöðin eru stilklöng (5–10 sm), handskipt með fimm til sjö smáblöðum. Smáblöðin 1,5–2 sm á lengd, tennt í endann, þétt silfurhærð á neðra borði. Blöðin eru dökkgræn og lítt eða ekki hærð á efra borði. Jarðstöngullinn gildvaxinn með himnukenndum, brúnum lágblöðum (Hörður Kristinsson 1998).
BlómBlómin eru allmörg saman í blómhnoðum sem standa í blaðöxlum; þau eru fjórdeild, 2,5–3,5 mm í þvermál. Krónublöð vantar. Bikarblöð gulgræn, fjögur í kross með hárskúf í oddinn. Örmjóir og stuttir utanbikarflipar í blaðvikunum. Fræflar fjórir, ein fræva með einum hliðstæðum stíl (Hörður Kristinsson 1998).
AldinAldinið er hneta (Lid og Lid 2005).
GreiningBlómin líkjast blómum maríustakks og maríuvattar en ljónslappi er auðþekktur á blöðunum (Hörður Kristinsson 1998).
Distribution map
Author
Hörður Kristinsson 2007
Kjörsvæði ljónslappa er í bollum, skriðum, hlíðaskorningum og undir rofabörðum (Hörður Kristinsson 1998). Hann vex oft í þurru mólendi en myndar líka stundum þéttar, ávalar þúfur í fokjarðvegi (Hörður Kristinsson - floraislands.is).Biota
- Tegund (Species)
- Ljónslappi (Alchemilla alpina)