Týsfjóla (Viola canina)

Mynd af Týsfjóla (Viola canina)
Picture: Hörður Kristinsson
Týsfjóla (Viola canina)

Útbreiðsla

Algeng um allt land á láglendi upp í 500 m hæð (Hörður Kristinsson - floraislands.is).

Búsvæði

Mólendi og grasbalar, snöggar gilbrekkur (Hörður Kristinsson 1998).

Lýsing

Lágvaxin jurt (8–15 sm) með fagurgrænum blöðum og fjólubláum blómum. Blómgast í júní.

Blað

Laufblöðin stilklöng, oftast mjóhjartalaga eða egglaga, fíntennt, hárlaus (Hörður Kristinsson 1998).

Blóm

Blómin eru einsamhverf, legglöng, slútandi. Krónan fimmdeild. Krónublöðin blá, verða hvít og sum með löngum hárum innst, neðsta krónublaðið gengur aftur í hvítan, snubbóttan spora. Fræflar fimm. Þríblaða fræva (Hörður Kristinsson 1998).

Aldin

Stórt hýðisaldin sem klofnar í þrennt við þroskun (Hörður Kristinsson 1998).

Afbrigði

Skiptist í tvær deilitegundir, urðarfjólu (Viola canina montana) og Viola canina canina. Urðarfjóla hefur hærri og uppréttari stöngla og hlutfallslega stærri axlablöð miðað við blaðstilka heldur en Viola canina canina (Hörður Kristinsson 1998).

Greining

Líkist mýrfjólu og birkifjólu. Týsfjólan þekkist auðveldlega á laufblöðunum sem eru mjórri en á hinum tegundunum og ganga út í odd að framan. Einnig líkist týsfjólan mjög skógfjólu sem er mun sjaldgæfari. Skógfjólan hefur hlutfallslega breiðari, hjartalaga blöð, sporinn er mjórri í endann og bláleitari.

Útbreiðsla - Urðarfjóla (Viola canina)
Útbreiðsla: Urðarfjóla (Viola canina)

Höfundur

Was the content helpful Back to top

Back to top

Thank you!

Please tell us why:

  • Hide
  • |