Birkifjóla (Viola epipsila)

Mynd af Birkifjóla (Viola epipsila)
Picture: Hörður Kristinsson
Birkifjóla (Viola epipsila)

Útbreiðsla

Víða um norðaustanvert landið (Hörður Kristinsson 1998).

Búsvæði

Grösugir vellir, grasmóar og kjarrlendi (Hörður Kristinsson 1998).

Lýsing

Lágvaxin jurt (4–10 sm) með blöð hærð á neðra borði og ljósfjólublá blóm. Blómgast í maí–júní.

Blað

Blóm og blöð standa á uppréttum leggjum frá jarðlægum stöngli. Laufblöðin stilklöng, blaðkan breiðhjartalaga, oftast gishærð á neðra borði eða báðum megin, grunnbogtennt (Hörður Kristinsson 1998).

Blóm

Krónan einsamhverf, ljósfjólublá, oft með áberandi dökkum æðum, sporinn samlitur krónunni. Bikarblöðin græn, snubbótt í endann með ljósum himnufaldi. Fræflar fimm, rauðbrúnir. Örsmá forblöð ofarlega á blómstönglinum (Hörður Kristinsson 1998).

Aldin

Aldinið þrístrent hýði sem klofnar í þrjá geira við þroskun (Hörður Kristinsson 1998).

Greining

Líkist mýrfjólu, birkifjólan þekkist á staðsetningu forblaðanna langt fyrir ofan miðjan blómlegg, hjartalaga blöðum og örlítið hærðum, vex í meira grasi en mýrfjólan.

Útbreiðsla - Birkifjóla (Viola epipsila)
Útbreiðsla: Birkifjóla (Viola epipsila)

Höfundur

Was the content helpful Back to top

Back to top

Thank you!

Please tell us why:

  • Hide
  • |