Sumarstörf hjá Náttúrufræðistofnun

02.05.2012

Náttúrufræðistofnun Íslands auglýsir eftir tíu sumarstarfsmönnum til að sinna ýmsum verkefnum við stofnunina. Störfin eru hluti af tímabundnu átaksverkefni Velferðarráðuneytisins og Vinnumálastofnunar og eru opin öllum námsmönnum, sem eru á milli anna eða skólastiga, auk þeirra sem eru á atvinnuleysisskrá.

Störfin sem um ræðir eru öll hjá Náttúrufræðistofnun í Garðabæ. Upplýsingar um þau er að finna á vef Vinnumálastofnunar og þar á jafnframt að sækja um. Umsóknarfrestur er til 14. maí.