Blautós

Mörk

Blautós og Innstavogsnes, frá miðri Kjaransvík að Kúvík, ásamt skerjum, hólmum og fjörum að stórstraumsfjörumörkum.

Stærð

4,6 km²

Hlutfall lands: 10%
Hlutfall fjöru: 42%
Hlutfall sjávar: 48%

Svæðislýsing

Blautós er sjávarlón með víðáttumiklum leirum og sjávarfitjum. Innstavogsnes er vel gróið og mýrlent. Utan við nesið eru þangfjörur og sker. Brimasemi á stærstum hluta svæðisins er lítil, en er nokkur allra vestast. Í Blautós rennur Berjadalsá úr Akrafjalli. Svæðið er vinsælt til útivistar og hesthúsabyggð er við ósbotninn.

Forsendur fyrir vali

Svæðið er tiltölulega ósnortið, lífríkt og afar sérstætt vegna fjörumós, auk. klóþangsklungurs og sandmaðksleiru. Svæðið er alþjóðlega mikilvægt sem viðkomustaður margæsa.

Vistgerðir

Fuglar

Sjá einnig ítarlegri umfjöllun um fjöru- og grunnsævissvæðið Blautós.

Ógnir  

Litlar, en hesthúsabyggð með tilheyrandi starfsemi er í jaðri svæðisins.

Aðgerðir til verndar

Hluti Blautóss ásamt Innstavogsnesi var friðlýstur 1999. Friða þarf hinn hlutann og koma í veg fyrir frekari ágang á fjörusvæði og fitjar við hesthúsahverfið á Akranesi.

Núverandi vernd

Kortasjá

Blautós í kortasjá

Útgáfudagsetning

5. apríl 2018.