Lónsfjörður

Mörk

Að sunnanverður frá Seleyri um Hvalnesfjöru austur að Tófuhorni, að norðan afmarkast svæðið um 100 m frá fjöru um Hálsa, Land og Teiga.

Stærð

28,9 km²

Hlutfall lands: 14%
Hlutfall fjöru: 83%
Hlutfall sjávar: 3%
Hlutfall fersks vatns: <1%

Svæðislýsing

Sjávarlón austast í Lóni með miklum botngróðri, leirum og sjávarfitjum Votlendi er víða með bökkum. Helsti vaxtarstaður hinnar fágætu lónajurtar. Búfjárbeit fer minnkandi og lítils háttar hlunnindi eru af æðardúni.

Forsendur fyrir vali

Mikið af fuglum fer um Lón vor og haust og hefur þetta svæði alþjóðlega þýðingu fyrir álft á fartíma vor og haust og eins á fjaðrafellitíma. Allt að þriðjungur íslenska álftastofnsins hefur sést þar samtímis.

Fuglar

Sjá einnig ítarlegri umfjöllun um fjöru- og grunnsævissvæðið Lónsfjörður.

Ógnir  

Ferðamennska og frístundabyggð er vaxandi á svæðinu

Aðgerðir til verndar

Tryggja vernd vistgerða, lágmarka áhrif ferðamanna á fuglalíf, gæta þess að næringarefni og önnur mengun berist ekki í sjávarlónið.

Núverandi vernd

Kortasjá

Lónsfjörður í kortasjá

Útgáfudagsetning

5. apríl 2018, uppfært 4. febrúar 2019, 26. maí 2020.