Furufjörður–Munaðarnes

Svæðið er tilnefnt vegna sela. Það nær að hluta yfir tillögusvæðin Drangajökul og Fossa í Rjúkandi, Hvalá og Eyvindarfjarðará, sem tilnefnd eru vegna jarðminja.

Furufjörður–Munaðarnes á Íslandskorti
Furufjörður
Picture: Kristinn Haukur Skarphéðinsson

Furufjörður.

Mörk

Um er að ræða selalátur á strandlengju, eyjum og skerjum frá botni Furufjarðar í norðri að Krossnesfjalli í suðri, auk jaðarsvæðis allt að 1 km til sjávar.

Stærð

116,5 km2

Hlutfall lands: <1%
Hlutfall fjöru: 7%
Hlutfall sjávar: 92%
Hlutfall fersks vatns: <1%

Svæðislýsing

Svæðið nær yfir strandlengjuna frá Ingólfsfirði í suðri og norður að Furufjarðarbotni, ásamt eyjum og skerjum. Áður fyrr var búið þar víða og voru selveiðar meðal hlunninda á svæðinu um aldir, ásamt sjósókn, dúnrækt, eggja- og fuglatöku. Nú er þar einungis frístundabyggð og hlunnindi nýtt í smáum stíl en ferðamennska er í örum vexti. Svæðið er ríkt af fuglalífi og selur kæpir víða meðfram ströndinni og á eyjum. Helstu látur eru í Skjaldabjarnarvík, að Dröngum, í Drangavík, Ófeigsfirði, Eyvindarfirði og Munaðarnesi.

Forsendur fyrir vali

Á svæðinu hafa verið látur með samtals yfir 800 landselum eða allt að 26,5% af landselum norðvesturlands og 13,2% af íslenska landselsstofninum. Stærsti hluti útsela norðvesturlands (allt að 100%) hefur kæpt á svæðinu og allt að 38% af heildarstofninum. Landsel á svæðinu hefur fækkað um 72,3% frá því talningar hófust árið 1980. Að sama skapi hefur útsel fækkað um 57% síðan talningar á þeim hófust árið 1982.

Selir

Tegund  Lægsti fjöldi* Hæsti fjöldi* Hæsta % af
Norðvesturstofni 
Hæsta % af
íslenskum stofni
Núverandi % af
íslenskum stofni
Útselur 30 (1985) 620 (1990) 100 (1989) 38 (2009) 7,9 (2017)
*Árin 1982–2017
Tegund  Lægsti fjöldi* Hæsti fjöldi* Hæsta % af
Norðvesturstofni 
Hæsta % af
íslenskum stofni
Núverandi % af
íslenskum stofni
Landselur 104 (2003) 814 (1998) 26,5 (1998) 13,2 (1998) 2,6 (2018)
*Árin 1980–2018

Ógnir

Þættir sem taldir eru geta haft áhrif á fækkun sela eru veiðar, beinar veiðar og hjáveiðar, og truflun.

Aðgerðir til verndar

Tryggja þarf selum vernd í látrum og nærliggjandi grunnsævi þar sem fæðuöflun fer fram.

Núverandi vernd

Aðrar náttúruminjar Númer
Snæfjallahreppur hinn forni 324
Drangaskörð 325

Kortasjá

Furufjörður–Munaðarnes í kortasjá

Útgáfudagsetning

3. desember 2020